MEMBER INKHAWM KIM ZAN VAWI 2-NA

Ni 18.10.2010 (Thawhtan) zan hian Chaltlang South Branch KTP chuan kumin atana a vawi 2-nan Member Inkhawm kim zan a buatsaih leh dawn a, tualchhunga awm member zawng zawngte chu kim taka inkhawm turin beisei kan ni. Member inkhawm kim zan vawi 1-na hi July thla khan hlawhtling taka buatsaih a lo ni tawh a. Hetah hian pawn lam atangin thuhriltu atan Rev. Lalsangbera, Kulikawn Bial Pastor chu sawm a ni a, tin zaithiam Nl. Lalruatfeli (Mafeli) Dr. Luke-a an singer chu sawm a ni bawk. Kan mi sawmte hian an chanvo hneh takin an rawn hlen a, Branch Committee pawh an chungah a lawm hle a ni. Tun tum hi chuan pawn lam mi sawm lova tihtur a ni thung dawn a, Branch chhunga zaithiam tak takte zaiin Chaltlang Bial Zaipawl sawm an ni bawk. Tin, Branch Leader hnen atangin thuchah ngaihthlak a ni bawk ang. Member-te a tam thei ang ber inkhawm turin kan insawm a ni.