HMANGAIHNA
Hmangaihnain a a bual at, fa lu hloh thak khawpa a hmangaih Krista hnungzuitu Tirhkoh Paula chuan Korinth khuaa mite hnenah ti hian hmangaihna awmzia a lo hrilhfiah tawh a, “Hmangaihnain a dawhthei a, ngil a nei bawk thin; hmangaihnain a itsik lo va; hmangaihna a infak lo va, a uang lo va, a che mawi lo lo va, mahni hma a sial lo va, a thinur duh lo va, sual lamah a ngaihtuah lo va; fel lohnaah a lawm lo va, thutak erawh chu a lawmpui thin a; engkim a tuar hram hram a, engkim a ring a, engkim a beisei a, engkim a tuar chhuak thin (I Korinth 13:4-7) tiin. Hmangaihna hi mithiam ten an inhrilhfiah siak thin a, ropui tak tak, ril tak takin an lo hrilhfiah tawh thin. Mahse he hmangaihna hi naupang te hian engtin nge an hrilhfiah ve thin le?
Tumkhat chu mithiam rual intelkhawm te hian naupang kum 4 atanga kum 8 inkar te hi ‘Hmangaihna hi enge a awmzia?’ tih zawhna an chhan tir a, naupang hrang hrang tena an chhanna chu a inang lo hlawm hle, naupang tena Hmangaihna an hrilhfiahna thenkhat chu hetiang hi a ni-
“Ka pi chu natna khirh tak a tawrh avangin mahni pawh in bawisawm theilo khawpin a bawk sawp a. Chutih lai chuan ka pu chuan ka pi chu theihtawpin a enkawl a, amah pawh chu natna in a tlak buak ve thlengin ka pi chu a bawihsawm a, hei hi Hmangaihna chu a ni”. – Rebecca, kum 8
“Tu emaw in a hmangaih che chuan i hming a lam dam chu a danglam bik ang. I hming chu a ka chhungah chuan him takin a awm tih i hre thei ang.” – Billy, kum 4
Hmangaihna chu hmeichhia in a rimtui tak a inhnawih a, mipa pawhin chutiang bawka a in uluk a, tichuan an chhuah dun a an rim ve ve an in hnim tawnna chu a ni. – Karl kum 5
Hmangaihna chu thil ei tura i chhuah vah a, tu emaw hnena i ei tur i ei ai tam zawk, a niin a pek let ve che beisei miah lova i pek na hi a ni. – Chrissy, kum 6
Hmangaihna chu i chauh em em mai pawha ti nui theitu che hi a ni. – Terri, kum 4
Hmangaihna chu ka nuin ka pa tan Coffee a siam a, ka pa a pek hma a a hmuia a tem chhin a, Coffee tui tak a ni tih a finfiahna hi a ni. – Danny, kum 7
Hmangaihna chu Krismas ni a present in hawn zawh hnu a room a i bula la awm reng a kha a ni. – Bobby, kum 7
Hmangaihna tha zawk i zir dawn anih chuan, i thian i huat em em te hnen atanga i zir a ngai ang. – Nikka, kum 6
Hmangaihna chu tu emaw hnena nitina a incheina kha i ngainat thu i hrilh na hi a ni. – Noelle, kum 7
Hmangaihna chu mipa leh hmeichhia inkawm ngeih tak, pitar leh putar an nih thlenga thiana insiam te hi an ni. –Tommy , kum 6
Mipui hmaa Piano tum tura ka inbuatsaih laiin stage ah ka awm a, ka zak hle mai a. Mipui te chuan min en thup mai a, mipui zingah chuan ka pa chuan kut vai chungin min lo nuih a. Amah chu chulai hmunah chuan ka zak leh tawh lovang tih min hrilhtu a ni. – Cindy, Kum 8
Ka nu chuan midang zawng zawng aiin min hmangaih. Midang ina zana ka mut dawn a min fawh i hmu ngai lovang. – Clare, kum 6
Hmangaihna chu ka nu in a ka pa nui sang chunga a melh a, midang aia a that zawk thu a hrilh hi a ni. – Christ, kum 7
Hmangaihna chu nileng a i kalsan hnu a, in a i hawn a i ui te in a i hmai a lo liah hi a ni. –Mary Ann, kum 4
Ka unaunu chuan min hmangaih tih a ka hria, a chhan chu a thawmhnaw hlui te chu ka tan min pe a thawmhnaw thar lei turin a chhuak thin a ni. – Lauren, kum 4
Mi i hmangaih chuan i mit chu i meng deuh zawk zawk ang a, i mit atangin arsi i hmu chuai chuai mai ang! – Karen, kum 7
I ti tak tak lo anih chuan ‘Ka hmangaih che’ tih hi i sawi mai mai tur a ni lo. Mahse i ti tak tak anih erawh chuan i sawi chamchi ang a. Miten an theihnghilh thuai si ang. – Jessica, kum 8
Khing naupang tena Hmangaihna an hrihfiah na hrang hrangah te khian tunge ti tha ber tih thlanna mithiam te chuan an nei a. Lawmman dawngtu chu mipa naupang kum 4 mi a ni a, chu naupang te awmna In room lehlamah chuan, putar pakhat, a nupui chan hlim hlawl hi a cheng ve a. A nupui ngaia amah chauhva a tap thin a hmuh chuan mipa naupang te chu putar room ah chuan lutin putar mal chungah chuan a va thu thin a. Naupang te nu chuan putar hnenah chuan eng thu nge a va sawi thin tih a zawh chuan naupang te chuan tihian a chhang a, “Eng thu mah, ka tah pui thin!” tiin.
