LEHKHABU TLANGZARH A NI TA

Ni 11 November, 2010 zan khan Sangluri Hall-ah kan Branch Lehkhabu chhuah "Kohhran Tawngkam" Upa C. Sangzuala ziak chu Rev. Vanlalzuata, Sr. Exe. Secretary, Mizoram Synod-in ropui takin a tlangzarh ta. Tlangzarh inkhawm hi Branch Leader, Pu C. Lalrohlua'n hneh takin a kaihruai a, Tv. V.L. Muanchhana, Committee Member C.KTP-in lehkhabu thlirlawkna neiin tawi fel tak, bengvarthlak tak siin hun a hmang a, a manhla hle. Lehkhabu Tlangzarhtu Rev. Vanlalzuata'n thu tawi sawiin, "Mizo Kristiante zingah chhiar tam peih si lova, a sawi a sawi lama thahnemngai kan tam lutuk hian kan Kristian nu a ti dahlau a, Bible-in chuti chuan a ti, tih ai chuan ka rilrua thu lo thleng chu tih hi kan tangfungah kan hman fo avang hian Pathian pawlna tak tak pawh hi Bible atang ai chuan kan rilrua thu lo thleng hmanga dawn kan tum fo," tiin Lehkhabu tha chhiar kawngah kalkhawmte min fuih nasa hle. Hemi zan hian mi 100 vel kalkhawmin, kalkhawmten kan Programme an hlut hle.

Lehkhabu hi tlangzarh zan hian Rs. 4000/- chuang man hralh nghal a ni a.  Tlangzarh tuk zanah Bial chhung Kohhranteah zuar kual nghalin Bu 139 lai hralh a ni bawk.

LEHKHABU RELEASE DAWN

Ni 11 November, 2010 (Ningani) zan dar 7:00 hian Sangluri Hall-ah kan Branch-in Lehkhabu kan published "Kohhran Tawngkam" tih chu Rev. Vanlalzuata, Sr. Executive Secretary, Mizoram Synod chuan Sangluri Hall-ah a release dawn ta. He lhekhabu hi phek 100 neiin Rs. 50 man tur a ni a, a tlangzarh zan hian Rs. 40/- in a lei theih ang. Tlangzarh inkhawm hi Pu V.L. Hmunmawia, Branch Asst. Leader in a kaihruai ang a, Bial Zaipawl an zai bawk ang. Tlangzarh inkhawmah hian a duh apiang tel turin Branch Committee chuan min sawm vek a ni.

And the WINNER is..................J E R E M I A Grooooooooooup!!!!!! (Hats off to Jeremia Group)

Kan Lalpa kum sanghnih leh kum sawm, khuangchawi thla tahrik ni 11 atanga ni 19 chhunga neih KTPLympic chu Ni 19 zan khan Sangluri Hall-ah kham lo tak chunga khar a lo ni ta a, he khawvel awm chhung hian hetiang ang hun ropui leh hlawhtling hi Chaltlang South Branch hian a tawng leh ang em? tih hi hemi zana kalkhawmte zawhna chu a ni. KTPLympic-ah hian zan 4 leh ni 2 nileng hun hman a ni a, hemi chhung hian inelna chi hrang hrang outdoor leh indoor-ah te neih niin infiamna items chi 24 hmanga inel a ni a, tin mimal inelna Medal pawh Group-a lut lo, Essay leh Hla inphuahsiak hmanga inelna siam a ni bawk.
Heng inelna hrang hrangah hian Jeremia Group-te chuan Medal 29 ngawt lain a pumpuiah 1-na an ni a, Cash Prize Rs. 3000/- an dawng a ni. Jeremia Group-te hi an fakawm hle a, Kumina inkhawmah leh thildang reng rengah member kalkhawm an tlem thei hle a, hruaitute bei pawh a dawng rum rum thin a ni. He Lympic-a an Champion-na hian phur tharna pe sela, hma lam pana chak taka rawngbawlna kawng danga hmasawnna an hmuh zel theihna hmanrua he KTPLympic hi an Group tan hian lo chang mawlh teh se.

KTPLympic Final Medal Tally

Group                       Gold              Silver            Bronze            Total

Jeremia                    10                    8                     11                   29

Daniela                     8                     11                    7                     26

Isaia                         6                      5                      6                     17

Ti hian Medal Tally hi han en vang vang ta ila a pumpuia Champion chu Jeremia Group-te an ni a, an ni hian Lawmmanah Rs. 3000/- an dawng a, 2-na Daniela Group-ten Rs. 2000/- an dawng bawk a, 3-na leh a hnu dawltu Isaia Group-ten Rs. 1000/- an dawng bawk a ni. Group-tinte hi Medal lakah an inthlau lo hlawm hle a, Gold Medal phei chu 2 tete chauhvin an inlak tam hleih a ni.