Charge Inhlan fel ta

Ni 29 December, 2010 (Nilaini) zing dar 7:00 khan Kohhran Committee Room-ah Chaltlang South Branch KTP kum 2010-a Office Bearer te leh kum 2011-a Office Bearer turten charge inhlanna an nei a, Charge inhlan inkhawm hi Upa C. Vanlalsiama, Kohhran Representative in a kaihruai a, charge la thar turte leh charge inhlan turten a mal te te a chhiar chhuakin charge inhlanna hun hman a ni a, charge te inhlan zawhah Upa Rochungnunga kum 2011-a Kohhran Representative turin tawngtaina hun a hmang a, Branch Leader thar Pu C. Lalrohlua kaihhruaina hnuaiah Branch Committee Member 2011 tur ruat nghal an ni. Hei bakah hian thil tam tak rel nghal a ni a. Dar 10:30-ah Meeting hi Lal Tawngtainaa tawngtai rualin ban a ni.

FAKNA INKHAWM

Laldinthara (Senior Departnent Zirlai)

KTP Male Voice te

Nl. Lalruatkimi (Senior Department)

KRISMAS THILPEK

December 15, 2010 (Nilai) zan inkhawm ban khan Vanapa Hall kawt leh Millenium Centre kawtah a duh apiang in turin Thingpui leh a hmeh Chaltlang South Branch KTP-te chuan kan sem a, thingpui hi No 360 vel ken niin a hmeh atan Plain Cake tlawn 35 ken a ni bawk a, Pathianin kan tawngtaina te chhangin a mamawhtu mi engemaw zat min khohkhawm sak a, thingpui pawh lum belh ngai hial khawpin kan thilsem beitham tak te miin min hlutsak hi a lawmawm hle a ni. Member thawkchhuak pawh kan thahnem a, mahni motor thawhchhuahpuia thianten kalna tur an nei lovang tih hlauva member-te kan han insawm sung sung mai hmuhte khan Chaltlang South Branch Member nih a nuam hle. Kan thiltih khan tun thut thutah rah chhuah lo mahse mite thinglungah zawi muangin hna a thawk ngei ang tih hi kan tawngtaina a ni e

Kum 2011 Branch Kalphung tur Thenkhatte :

December 14, 2010 (Thawhlehni) khan  Branch kumtawp committee neih a ni a, hetah hian thu tam tak relin, kumin chhunga kan Branch chetvelna hrang hrangte leh Branch thlarau lam dinhmunte thlirkirna hun neih a ni. Committee hi tlai dar 4:00-ah tanin zanriah kilho nghal a ni a, zanlai dar 12:15-ah an bang. Branch Committee rorel thenkhat kan hriat awm deuh deuh te chu :-
1. Branch Budget neih : Nakkum 2011-ah hian Branch Budget neihleh a ni dawn a, Budget ruahmanna lo siam turin Branch OB tharte kutah dah a ni.
2. KTP Thawhlawm Ip : Nakkum hian KTP Ip siam leh a ni ang a, lo buapui turin Branch OB tharte kuta dah a ni. January thla bikah chuan a khawntu hluiten mahni bial theuh lo khawn leh tur leh Thawhlawm ip chhiar pawh a chhiartu ngaiten lo chhiar leh tura ngen an ni.
3. Group din chungchang : Nakkum 2011 chhung hian Branch hi Group 3-ah then a ni a. Group member turte chu Branch OB tharten an lo pawhpawlh leh dawn a ni. Group hming atan Isaia, Jeremia leh Daniela te bawk hman leh a ni ang.
4. Group Hruaitu thlan hun : Kum 2011 chhunga Group hrang hrang hruaitute thlan hun atan, January 17, 2011 (Thawhtan) zan inkhawm ruahman chhin a ni a, Group hruaitu thlan dan kimchang chu Branch OB te kuta dah a ni.

Kum 2011 Branch Hruaitu turte

December 13, 2010 (Thawhtan) zan Thalai inkhawmah Kohhran Committee te kaihhruainain kum 2011 chhunga Chaltlang South Branch KTP Office Bearer turte thlanna neih a ni a, member 126 hemi zan hian kan inkhawm a, hruaitu thlanna tluang taka neih a ni. Branch OB thar turte chu :-
Leader               :   Pu C. Lalrohlua
Asst. Leader      :   Pu C. Vanlalfaka
Secretary           :   Tv. Lalrinmawia Tlau
Asst. Secretary  :   Tv. Biaknunsanga Fanai
Treasurer           :   Nl. C. Lalmuanpuii
Fin. Secretary    :   Nl. Bibi Lalthansangi

Pu V.L. Hmunmawia, Asst. Leader tanglai chuan nakkum lamah KTP min lo chhuahsan tawh dawn avangin OB post chelhtu thar mi pahnih an awm ta a ni. Asst. Leader thar Pu C. Vanlalfaka hi nikum lama Asst. Secretary a ni a, Asst. Secretary Tv. Biaknuna hi thlan thar a ni. Midang zawng hi chu an post ngaia thlan leh vek an ni. Branch OB tharte hian hun remchang hmasa berah charge inhlanin Committee member turte an la ruat leh ang.